ياذا المعنى وش خبر طيرك الشاهين .. قنص طيركم ولا عادكم تربونه ؟؟
الله يا وقت مضى وايام مرت وين.. ايام عهد الوفا ويقال يا عونه
ان كنت راضي في طريجك وشفته زين..عسى ان قلبك عند ناس يدارونه
يا ذا المعنا وش خبر طيرك الشاهين.. قنص طيركم ولا بعدكم تربونه؟؟
جانه شرا توق الوحش صار له طلعين.. ما حيد الطلع تم يتخايل اظنونه
ان جان طلعه هوب راكد ترف العين.. يشوف الهدد من البعد غيره يهدونه
لا تهد طيرك وفوق جو السما هنتين..خايف هداده يكسر الحوم من دونه
يا بن خليفه عزوتي يا نظير العين.. نداري وندري اللي بعدهم يدارونه
بالله خبرني وقلي يا كحيل العين.. نفس الفتى في مركز العز مصيونه
يا عاذلي فالهوى ما تنصح المخطين.. قلب المعنى يعرض حد مسنونه
ارى الحق انا لأهل الهوى يتبع الجافين.. يغفلون ويصدون عن طالب ديونه
مدري تعمد يا عميلي اذا ناسين.. عن الحق واهل الحق للحق يوفونه
انا اراقب بيانك غبت من حولين.. هل كيف يا سيدي الذي فات تنسونه
وش لي حدث وش صار تمشي على خطين.. تمشي على درب الهوى عكس قانونه
تغنم زمانك واكسبه دام وقتك زين.. ترى العمر يفنى مثل زرعن يحشونه
تسعد وتهنى بالمحبه مع الغالين.. تهنى بخل سابق الوقت من دونه
2008-09-13, 10:12
